منو
باشلانغیج
باشلانغیج
حمد بی حد خدای صبحانه –
کی، چاتیب فیضی کون و امکانه!
“مبداء کاینات و مُزحِرِحُ،
وحده لا اله الا هو*
کنز مخفی ایکن اول علو مکان
ایستهدی ذاتی اولماغینی عیان.
قیلدی مخلوق خلق امکانی،
تا اولا ظاهر عالمه شانی.
کورۀ عرضی ائیلهدی ایجاد،
گلدی اوندان عیانه سبو شیداد.
اولدی انجم لر، ای علو الابثار،
دیده بانان نوح کبود حصار.
قمر و تیره زهره تاپدی محل.
شمس و مریخ و مشتری و زحل
هر بیرین بیر فلکده قیلدی مقیم،
تا چاتا کایناته فیض عمیم.
فلک هشتم اولدی ذات بروج،
اوندا دیر هیئت و صفات بروج.
او فلک منبع ثوابت دیر،
حکمایه مداری ثابت دیر.
فلک نهم عرش اعظم دیر،
عرش دن فوق و سرّ مبهم دیر.
نئچه یوز مین حکیم دانشور
بیلمهییب عرش دن او یانه خبر.
حکمادن اولوبدو بل آخر،
“لا خلا ول عامه لا”** صادر،
آلتی گون مدتینده اول دانا
ائیلهدی جمله عالمی پیدا.
فیضینی قیلدی عالمه (؟)
قدرتین ظاهر اولدی آثاری.
قیلدی بی حرف و لفظ و صوت و ندا،
تا اولا جمله ماسوا پیدا.
کاف کون نونه اولمامیش واصل،
اولدی بو ارض و آسمان حاصل.
خلق ائدیب عالمی مشیعتله،
یوغوروب خاکی دست قدرتله.
خاکه اؤز صورتین عطا قیلدی،
اونو سلطان ماسوا قیلدی.
اونا تعلیم قیلدی اسماء نی،
بیلدی هر اسمدن مسمانی.
قیلمیش ایکن اونی خلیفۀ عرض،
جنّتین سرّین ائیلهدی اونا فرض.
اونا قیلدی انیس حوانی،
قیلدیلار ازدواج روحانی.
گرچی ظاهرده اول بیر آدم ایدی،
لیک باطنده چوخ معظم ایدی.
نور پاک محمد و حیدر
اولموش ایدی او خاکده مضمر.
ظاهری خاک و باطنیدی نور،
ذره ایدی او نوره شعلۀ تور.
اصل اودور، فرع حضرت آدم،
اودو موسی یه دو مسیحادم.
نوری اول شاه انبیانین اگر
اولماسایدی او خاکده مضمر،
سجده ائتمزدی لر گروه مَلک
امرینه تابع اولماز ایدی فلک.
گؤرسه ایدی او نوری گر شیطان،
سجده ائیلردی آدمه هر آن.
———————————————
* الله کایناتی یارادان دیر، ظاهره چیخاران دیر.
او تک دیر، اوندان باشقا الله یوخدور (آیه).
** نه بوش دور، نه دولو.