پیغمبرین تعریفی

پیغمبرین تعریفی

داخی یوز تحفۀ صلات و سلام،
نه قدر وار بو گردش اجرام،
اولسون اول شخصه کیم، معید دیر،
انبیا سروری محمد دیر.
“قاب قوسین” بزمینین شاهی،
“فتدالله” سپهری نین ماهی.
“وضوها” وصف ماه رخساری،
رمز “واللیل” زلفنون تاری.
اول کی، نعلینی وئرمیش ارشه رواج،
انبیا جمله فیضینه محتاج.
ذاتینا یوخ زمانه ایچره نظیر،
مهدی و هادی و بشیر و نظیر –
کیم، اودور شمس یثرب و بطحاء،
شب داجه جمالی وئردی ضیا.
منکشف اوندان اولدی صبح ازل،
منخسف اوندان اولدی “لات” و “جسل”.
اودور اعجازه منبع مطلق،
بارماغیندان قمر اولوب منشق.
اونا قرآنی معجز باقی –
کی، قویوب عاجز اهل آفاقی.
گرچی امیدی ظاهر اول مولا،
لیک اولدی معلم اسماء .
علت مایکون و معنی کون،
منبع چشمه سار علم لدون.
سرّ توحید و نفس سرمد دیر،
احد و احمد و محمد دیر.
خاصه اول شاهه کیم، اودور جانیم،
دئدی حق مرتضی دیر آسلانیم.
هاردا کیم، شیر پرشجاعت دیر،
اؤزگه‌لر مدهتی نه حاجت دیر.
مرتضی وصفینه یازیلدی ورق،
“زهق الباطل و جاء الحق”*
ای خدا، خیرتون نسا حقی،
او دور بحر مصطفی حقی،
جیرۀ چاک مجتبی یه قسم،
خون مظلوم کربلایه قسم.
منه راه هدایت ائیله عطا،
ائیله مدحونده نطقیمی گویا.
سنه لایق اگرچی یوخ عملیم،
اوزمه دامان مرتضی دن الیم.
بیرده قسمت ائله زیارتینی،
هم گؤروم حشرده شفاعتینی.
اون بیر اولادینا غلامم من،
طالب حضرت امامم من.
ای خداوند صاحب قدرت،
قیل زامان ظهورینی قسمت.
تئز فرج ظاهر ائیله اسلامه،
تئز یئتیر ایشلری سرانجامه.
ظلم و جورایله کیم، دولوبدو جاهان،
تئز ائله عدل و قسطینی احسان.
گتیریب ظلم و جور جانه بیزی!
وارث ائت ارض و آسمانه بیزی!
——————————————
* “اذا جّل حق زهق الباطل”
حاق آرالیغا گلن زامان باطل آرادان چیخار (آیه).