لقمانین واقعه سی
دؤرد مین ایل عمرائیلهدی لقمان،
اولدی اول وقت عمرو کیم، پایان،
لیف خرمایدی سقف و بامی اونون،
کئچیب اول ائوده صبح وشامی اونون.
اوندا هر دم کی، یاتماغا اوزانیر،
بدنی نصف دن ائشیکده قالیر.
ملک الموت گلدی وئردی سلام،
گؤردو بیر ائوده ائیلهییبدی مقام،
ایله شیب دیر او ائوده پیر و علیل،
رزق تحصیلینه توخور زنبیل.
دئدی عزرائیل:– ای هنرزاده،
بو قدر ائتدین عمر دنیاده،
نیه بیر خانه ائتمدین تعمیر؟
دئدی:– هاذا لی مَن یموت کثیر*.
——————————–
* اؤلن آداما بو دا چوخدور