آوروپالی و تاماهکار

آوروپالی و تاماهکار

فرنگستانین عیانلاریندان بیر متمول اولان شخص بیر قطعه دلگشا اولان باغ سالدیرمیشدی. هامان بوستان سرانین تاغیندا یازدیرمیشدی کی، بو باغ متعلق دیر اول مرد مجرده کی، دنیادا هئچ بیر شئیه تاماه و احتیاجی اولمایا.
بیر گون بیر تاماهکار اولان دولتلی باغ صاحبی نین حضورونا حاضر اولوب، نخل تمنادان بو گونه ثمر مراد خواهش قیلدی کی، بنده نین جمعی دنیادان بیر زادا تاماهیم و احتیاجیم یوخدور. بس بو باغی منه مرحمت قیل.
صاحب باغ دئدی کی، اگر سنده تاماه و احتیاج اولماسایدی، باغی مندن خواهش قیلمازدین. حضوروندان اخراج ائله دی.