تولکو و چاققال

تولکو و چاققال

روباه بیر شغال ایله بیر بیاباندا گئدیردی لر. قضادان اتفاق بونلارین یوللاری قوردلارین قبرستانینا دوشدی.
روباه شغاله دئدی کی، ال گؤتور، غافرالخطایات درگاهینا کی، بو مرحوم لار اوچون بیر خیر دعا ائله‌ییب، طلب مغفرت قیلاق.
شغال روباها دئدی کی، بو دیرنده لرایله سنین نه آشنالیغین وار ایمیش؟
روباه دئدی کی، سنین سمع همایونوا واصل اولماییب دیر کی، بونلار بیزیم آبا و اجدادیمیزین رعیت و زحمتکش لری اولوبلار؟
شغال دئدی کی، حاشا و کّلا، من بو معنایا واقف دئیلم. اما زیاده آرزو ائدرم کی، کاش بو سیبای لرین بیری زنده و حاضر اولایدی، سن بو مقوله نی اونون حضوروندا تقریر ائدیدین.