منو
وزیرین ائلچی لیگی
وزیرین ائلچی لیگی
سؤزلرینی شاهین ائشیتجک وزیر
دوشدی یولا گئتمه یه اول بی نظیر،
سبقت ائدیب باد صبایه دوان،
راه بیابان ایله اولدی روان.
طی مراحل ائله‌ییب زود زود،
خطۀ کرمانه چو ائتدی ورود.
گؤردو او تخت اوستده پیشیک شاهینی،
باریکه و خیلی نی، خرکاهینی.
قاصد بی دل شهه ائتدی سجود،
مدح و ثنائیله‌دی وصف و دورود.
عرض ائله دی، کئی شه گردون اساس،
گؤرمه یه سن دهرده هرگز هراس.
شاه سیچاندان سنه بیر قاصدم،
سانما کی، من شوکتوه حاسیدم.
شاه دئییر کی، گله سن خدمته،
اولمایاسان یاغی بیزیم دولته.
شاه اولان کسده عدالت گره ک،
حال رعیتده رفاحت گره ک.
قورد قویونلا گرک ائتسین چرا،
لایق شأنین دئییر بو ماجرا –
کیم، نئچه بیر موشی هلاک ائتمیسن،
سینه میزی درد ایله چاک ائتمیسن.
ائیله‌مه سن گرچی اطاعت بیزه،
ائیله یریک زجر و سیاست سیزه.
راضی دئیلسن چو بو سودایه سن،
حاضر اول ایندی داخی دعوایه سن.
لشکر جرار گلیر اوستوه،
فرقۀ خونخوار گلیر اوستوه.
اولما سؤزومدن، کرم ائت، بی دماغ،
یوخدو رسولون ایشی “علی البلاغ”*.
—————————————————-
* “لیس الارسول علی البلاغ”
آللاهین ائلچی لری یالنیز تبلیغات ایچون گلمیش لر (آیه)