حکایت

حکایت

هارون الرشیدین باغبانی بیر گون بوستاندان خلیفه خدمتینه اوچ عدد خیار نوبار گتیردی. باغبان خلیفه نین مجلسینده آیاق اوسته دورموشدو، انعام تمناسی وار ایدی. خلیفه بیچاغییلا خیارلاری بیر بیر کسیب قابیقلی قابیقلی هر اوچون یئدی. قورتاراندان سونرا باغبانا انعام وئریب یولا سالدی.
ندیم لریندن بیر نفر عرض ائله‌دی کی، بو گون خلیفه دن غریبه احوال مشاهده اولوندو: اوچ نوبار اولان خیاردان بیر دلیم بیر کیمسه یه وئرمه دی. بوندا نه حکمت وار ایدی؟
هارون دئدی کی، اولینجی خیاری کسیب بیر پارچا آغزیما قویدوم، گؤردوم کی، زهر قاتل دن بیر علامت دیر. او سببدن اونی اؤزوم یئدیم، قورخدوم سیزه اوندان تعارف ائدیم، سیز بی تأمل دئیه سیز کی، نه آجی خیاردیر، بیچاره باغبان کی، انعام فکریله نوبار گتیریب دیر، خجالت چکه. فکر ائله‌دیم کی، ایکینجی خیاری که سرم، اگر شیرین چیخسا، اونی سیزه تقسیم ائلرم. اول داخی آجی چیخدی. ایچونجو خیار اولاردان بدتر چیخدی. او سببدن سیزه وئرمه دیم. و الا، من ائله قارینقولو دئیلم.