هرمز ابن نوشیروان

هرمز تاجیدارا دئدی لر کی، عطانین وزیرلریندن نه خطا گؤردون کی، جمله سین زندانا سالدین؟
هرمز بویوردو کی، بیر خطا گؤرمه دیم. آنجاق گؤردوم کی، منیم خوف و هراسیم اونلارا مستولی اولوبدور و منیم سؤزومه بالمره اعتماد و اعتبارلاری یوخدور. قورخدوم کی، اؤز جانلاری نین خوفوندن منیم هلاکیما قصد ائده لر. بس حکیم لرین قولو ایله رفتار ائله‌دیم کی، بویوروبلار:”قورخ او کیمسندن کی، همیشه سندن قورخور؛ اگرچی داوادا یوز اوندان آرتیق اولسان دا. ایلان چوبانین آیاغیندان او سبب چالار کی، قورخور کی، چوبان اونون باشینی داش ایله ازه”. گؤرمه میسن کی، اول واخت کی، پیشیک پلنگین الینده عاجز قالیر، اؤز قورخوسوندان پلنگین گؤزه‌لرین چنگالی ایله چیخاردیر؟ و الا پلنگین زورونا پیشیگین زورو چاتماز.