ایروان تاجری

ایروان تاجری

بیر نفر ایروانلی بازرگان،
حاجی ترخانه پنبه ائتدی روان.
اولدی بازار پنبه خیلی رواج،
اونو حلاجلر ائدیب تاراج.
بیره بئش نفع ائدیب او بازرگان،
دئدی:– ای پنبه، ای متاع گران،
تخموی گتدی حضرت آدم
باغ جنّتدن، ای فرشته خدم!
مریمه سندن اولدی پیراهن،
زنده یه جامه سن، شهیده کفن.
ای اولان یوسف عزیزه قبا،
چشم یعقوبه سندن اولدی ضیا.
او بیری ایل یئنه او بازرگان
ایکی اول قدر پنبه ائتدی روان.
از قضا، نرخ پنبه اولدی کساد،
پنبه عیشین او ائیله‌دی برباد.
گئتدی خوسرانه سود و سرمایه،
دوشدی سوداگر اؤزگه سودایه.
دئدی:– ای پنبۀ پلید ثمر،
سنده اولسایدی بیر شرافت اگر،
سنی قویمازدیلار اؤلی گؤتونه
چولغامازلاردی مرده حاجتینه.