اسکندر دورونده ایکی حکیم
واردی اسکندر عصری ایکی حکیم،
ملک یوناندا، واجبوت تکریم.
اونلارین دوشدی چون مباحثه سی –
کی، ندن دیر زمانه حادثه سی؟
اول نه برهان گتیردی حجت ایله،
بو اونی رد ائدیردی حکمت ایله.
هر نه مطلب کی، قیلدی بو عنوان،
اول گتیردی بونا گؤزه ل برهان.
هرچی الزامه اولدیلار طالب،
بیرینه اولمادی بیری غالب.
عاقبت شرط قیلدی ایکی طبیب،
هره بیر زهر ائیله سین ترتیب.
او بونون زهرینی ایچه، بو اونون،
تا بو سئوداده کیم اولور مغبون؟
بیری سی شربت ائیلهدی ترتیب،
زهر حاضر قیلیب ایکینجی طبیب.
بیر بیره وئردی لر مهابت ایله،
بیری سی ایچدی زهری جرات ایله،
بیلمهدی زهر اولدیغون آنین،
بئله دیر مقتضاسی دورانین.
ائتمهدی خوف سم نافذ دن،
قالدی اول شیردل صحیح بدن.
اول بیری ایچدی خوف ایله شربت،
دار دنیادن ائیلهدی رحلت.
اؤز ایشیندن اونی قیاس ائتدی،
وحشتیندن زمانه دن گئتدی.