اوغلوما خطاب

اوغلوما خطاب

ای اوغول، نفرت ائیله واهیمه دن،
واهیمه شوم دور، مخرب تن.
واهیمه اولسا شخصه مستولی،
ائیلر آنی هلاک اؤز هؤولی.
قویۀ واهیمه شیاطین دیر،
واهیمه جینیان بی دین دیر.
گؤرمییرسن کی، شخص اولاندا جنون
واهیمه قالیب اولدی، عقل زبون؟
رفته رفته جنونو بدتر اولور،
قویۀ واهیمه مصور اولور.
سانکی بیر شخص اونا اولور پیدا،
بیر بیریله اولور بولار گویا.
لیک ظاهرده یوخدو شخص دیگر،
واهیمه ائیله‌ییب او شخصه اثر.
ائله هر بیر مقامده جرات،
زهر ایچسن حساب قیل شربت.
خوفله گر سحر یئسن گول قند،
گتیر ضعف معده، ای دلبند.
سنه بو ماجرانی ائیلر ادا،
گوش قیلسان، حکایت حکما.