پیغمبرین علی ایله زارافاتی

پیغمبرین علی ایله زارافاتی

بیر گئجه یثرب ایچره آل عبا
بیر طبق ده یئییردی لر خرما.
نه یئدیسه رسول عالمیان،
تخمینی بیر ائدیر اونون پنهان
قویدو شیر خدا قاباغیندا،
ذکر اولوندو بو سؤز دوداغیندا:
یا علی، ظاهر اولدی ایندی کی، سن –
خرمانی هامی دان فزون یئمیسن.
گؤر، قاباغیمدا تخم خرما یوخ،
وار قاباغیندا هامیمیزدان چوخ.
دئدی حیدر:– سن، ای سخا کانی،
اودموسان تخمی ایله خرمانی.
بو سؤزه گولدو جمله آل عبا،
مرحبا سؤیله‌دی رسول خدا.