دیل لرین مختلف لیگی نین سببی

دیل لرین مختلف لیگی نین سببی

جعفر، ای کشتی امیده نجات!
ای لبین نعشه بخش آب حیات!
اهل تاریخ ائدیب بو نوع بیان،
نوح دن سونرا زمرۀ انسان
داخی طوفاندان ائتدی لر پروا.
بیر اوجا قصر یاپدیلار، زیبا –
کی، اگر اولسا بیرده بیر طوفان
ائتمه سین اهل قصره هیچ زیان.
بو صفت قصری بیر نئچه استاد
عرض بابیلده قیلدیلار بنیاد.
اولدی اول وقت کیم، او قصر تمام،
منهدم قیلدی قادر و علام.
بیر گون اول بقعۀ فلک بنیان
اولدی صوت محب ایله ویران.
وحشتیندن دیار بابیلده
قالدی خلقین دلی تبلبولده.
هر گروه ائتدی بیر زبان پیدا،
مختلف اولدی السینه یکجا.
لیک هر بیر لسانی، ای دانا،
اؤزونه نسبت ائیله‌ییبدی خدا.
بیل کی، هر بیر لسان خدانین دیر،
اولما بیگانه، آشنانین دیر.