منو
کتابین یازیلما سببی
کتابین یازیلما سببی
بو سببدن من، ای حمیده سیر،
ائیله‌دیم نظم چوخ حکایت لر.
چونکی گؤردوم حریفی ناقابل،
اؤزومو عمدا ائیله‌دیم جاهل.
سنه ساز اولماسا زمانۀ فن،
اؤزوو ساز قیل زمانه یه سن.
خلقی گؤردون اولوبلا دیوانه،
سن ده دیوانه اول، نه فرزانه.
خوش مثل دیر بو کیم، پالازه بورون،
گئتسه هر یانه ائل، او یانه سورون.
خواه رومی نژاد و خواهی زنگ،
خلق ایله خاصیتده اول همرنگ.
مرفعت شرحین ائتمه نادانه،
سنی ائیلر حسابی دیوانه.
نئچه کیم، بو حکایت زیبا
سنه بو ماجرانی ائیلر ائدا.