قوبا تعزیه دارلاری و خیمه نی غارت ائدن لره

قوبا تعزیه دارلاری و خیمه نی غارت ائدن لره

ای باعث ائدن دهرده بدعت، کؤپک اوغلو!
ائتدیز نه سبب خیمه نی غارت، کؤپک اوغلو؟
یوخسا الیووز چیخمیش ایدی کربوبلادن،
دوشدو اله دوراندا بو فرصت، کؤپک اوغلو؟
غارت ائله دین خیمه گه آل رسولو،
گؤر اولموسوز آخر نیه نسبت، کؤپک اوغلو!
یوخسا او کسین نسلی سیز، ای قوم شقاوت –
کیم ائتمیش ایدی اؤزگه یه بیعت، کؤپک اوغلو!
مرجانه سیزی یوخسا دوغوب یئددی زنادن،
حددندی زیاده بو شرارت، کؤپک اوغلو!
شوکتده اگر تای اولا سیز سیز کی،یزیده،
گئتمز باشا بو شأن، بو شوکت، کؤپک اوغلو!
ای ازرقین اولادلری، بو نه خطا دیر،
قاسم اوتاغینی ندی غارت، کؤپک اوغلو!
بو ظلم کی، سیز ائیله میسیز هرمه له ائتمز،
سیزدن یئتیشیب قلبه جراحت، کؤپک اوغلو!
واردیر سیزه نسبت عمر صدده انصاف،
کیمده تاپیلیر بونجا نحوست، کؤپک اوغلو!
بو ظلم هاچان اولدو صنعان ابن اَنَس دن،
انساندان اوزاق دیر بو ذلالت، کؤپک اوغلو!
دربندلییه کلّه دئییب مردم عالم،
اما یئنه اولماز سیزه نسبت، کؤپک اوغلو!
آتا بابا شیروانلییا بی عار دئییرلر،
هر نامده وار بیر نئچه حکمت، کؤپک اوغلو!
مجموه سی نین حکمتی معلوم و عیاندیر،
بیر کس ائده بیلمز اونا دقت، کؤپک اوغلو!
اما بو تعجبدو کی، دونقوزلارا “جیران”
کیم قویدو آدی، اهل ذلالت، کؤپک اوغلو!
باعث نه ایدی تا کی قبول ائیله‌مه دیز سیز،
آغ ساقّال ائدن وقتده نصیحت، کؤپک اوغلو!
هر امرده لازییمدی سیزه مرشد کامل،
بی مرشد اولورمو بو طریقت، کؤپک اوغلو؟
ظلماتده اسکندره بیر خیضر گرک دیر،
خاصه کی، توتوب عالمی ظلمت، کؤپک اوغلو!
یا اینکی اولوبدور آدووز شیعۀ خالص،
شایسته دئییل بؤیله شنیت، کؤپک اوغلو!
باش یارماغا، اوخ تاخماغوا هیچ سؤزوم یوخ،
بیر سیز تکی یوخ سابیب جرعت، کؤپک اوغلو!
اما کی، بو ایش مرفعت ایله اولا خوش دور،
بیگانه بیزه ائتمه یه تهمت، کؤپک اوغلو!
گؤزلر آچیلیب، ایش دییشیب، حال دیر اؤزگه،
آنجاق بیزی توتموش بو جهالت، کؤپک اوغلو!
باری ائله اولماق کی، بیزه گولمه یه دشمن،
هر شهرده وار خارجی ملت، کؤپک اوغلو!
هر نوع ایله کی، بدعته سیز مرتکب اولدوز،
یازدیق اونو ناچار شریعت، کؤپک اوغلو!
معمول ائله دیز دهرده هر فعل حرامی،
تاپدیق اونون اعجازینا صحت، کؤپک اوغلو!
آتا بابانیز شیعه‌لر اؤلدوردو امامی،
قیلدیز اونو سیز سنی یه نسبت، کؤپک اوغلو!
باش چاپماق ایله، شاخی* اولوبدور سیزه عادت،
ای مذهب دینی اولان عادت، کؤپک اوغلو!
اول کیمسنه کی، مهله ده ایللرله تاپیلماز،
نه خیره یارار، نه شرعه نکبت، کؤپک اوغلو!
ایام محرمده اولور رستم ثانی،
مروان تک ائدر خلقه سیاست، کؤپوک اوغلو!
آنجاق قوبا اوستونده دئییل دیر بو مذمت،
هر شهرده وار کان شرارت، کؤپک اوغلو!
اما قوبانین بیشه سی چوخ، چاقّالی چوخدور،
ائتدیز کی، تویوق توماغا عادت، کؤپک اوغلو!
بس، لازیم اولوب چاقّال اوچون بیر تله قورماق،
تا دفع اولا بو رنج و مذمت، کؤپک اوغلو!
آیا، دئمدیز تعزیۀ سرور دین دیر.
باطلدی بئله بعضی عداوت، کؤپک اوغلو!
بو تعزیه نین صاحبی سلطان شهیدان،
سیزدن ائده جک حقه شکایت، کؤپک اوغلو!
دنیادا زناکارسیز، عقباده زیانکار،
توتدو سیزی عالمده خسارت، کؤپک اوغلو!
باش چاپماغا، اوخ تاخماغا ائتدیز عبث عادت،
نه فرضدی بو امر، نه سنت، کؤپک اوغلو!
بوینوندا کفن، الده قیلینج باش چاپیرسیز،
گؤرسون منی تا بیر نئچه عورت، کؤپک اوغلو!
ائتدیم عرفایه سؤزو فی الجمله اشارت،
عارف لره بسدیر بو اشارت، کؤپک اوغلو!
آلدانما، یالان دیر سخن مرثیه خوانه،
جنّتله سیزه وئرسه بشارت، کؤپک اوغلو!
جنّت هارادا، سیز هارا طوله دؤیو جنّت،
ائششک بالاسی، داغ آیی سی، ایت کؤپک اوغلو!
چون هر بیر عمل نیته موقوف اولوبدور،
سیز ائیله می سیز بیج لییه نیت، کؤپک اوغلو!
صد حیف کی، قودیالدان آغا ائیله‌دی رحلت،
قالدی سیزه میدان رشادت، کؤپک اوغلو!
امیر حسن آغا ائده گر دخل تعرف،
اولمازدی دخی سیزده جسارت، کؤپک اوغلو!
بی صاحب اولوب دشت، دونوز تلله چیخیب دیر،
تولکو بئی اولوبدور، دره خلوت، کؤپک اوغلو!
توتدوز بیر عمل کی، ائله دیز ملتی رسوا،
یاندیردی منی نار خجالت، کؤپک اوغلو!
بو فعل کی، وار سیزده شهنشاه رسول دان،
توتمون داخی امید شفاعت، کؤپک اوغلو!
بیر تعزیه وز وار ایدی اولاد رسوله،
آنجاق بو ایدی اجر رسالت، کؤپک اوغلو!
وئردیز اونا ایندی کی، عالمده خلل سیز،
بیر گؤزله مه دیز اجر و غرابت، کؤپک اوغلو!
جدیم توپرور گؤرسه سیزی روز جزاده،
سؤیلر کی، دئییل سیز منه امّت، کؤپک اوغلو!
بیرده، بو فسادی کی، سیز ائتدیز، سیزه ائیلر –
گؤی لرده ملک لر هامی لعنت، کؤپک اوغلو!
هرچند باشین شوینر شقی کسدی امامین،
آغلادی یئنه، ائیله‌دی ریقّت، کوپک اوغلو!
سیز آغلاما سیز، اؤلدوروسوز یئددی امامی،
یوخ ذره قدر سیزده مروت، کؤپک اوغلو!
گر داشدی دئسم قلبووزی سخت عجب دیر،
یوخ داش و دمیرده بو قساوت، کؤپک اوغلو!
واردیر ائله داش کی، یاریلیب خوف خدادن،
جاری اولوب انحار لطافت، کؤپک اوغلو!
واردیر ائله داش یومبالانیب خشیت حق دن،
یوخ قهر خدادن اونا طاقت، کؤپک اوغلو!
قرآندا سیزین قلبووزی ذکر قیلیب حق،
گئت، ائیله “الیف لامی” قرائت، کؤپک اوغلو!
سیزدن دیر اوزاق دهرده البته پیمبر،
نازل سیزه اولموشدو برائت، کؤپک اوغلو!
سیّد جُهلا فوجینه بو سؤزلری یازدی،
تا ائیله یه سیز حال دن عبرت، کؤپک اوغلو!
مین بعد داخی توتمایین اول نوع ایله ایشلر –
کیم دشمن ائده طعن و شماتات، کؤپک اوغلو!
یوخسا کی، گلیر سیزلر اوچون هجو دمادم،
وئرمه دخی بو سیّده زحمت، کؤپک اوغلو!
——————————————-
* شاخسئی