لا شَریک لَهُ فی المُلک و ربََّ اَحَدا

ائتدی اول گول منی بو بادۀ گفتارایله مست،
سیندیریب بت لریمی چکدیم علایق دن دست.
کعبۀ کؤنلومو ائتدیم دخی بت لردن پاک،
ید قدرتله ائدیب لات ایله اوضانی شکست.
کئچیبن عشق مجازینی حقیقت تاپدیم،
اوزولوب زندۀ جاوید ایله اولدو پیوست.
وار امیدیم کی، منی سالماز آیاقه گردون،
وئردی معشوق ازل چونکی منیم دستیمه دست.
جان مشامینه گلیب عشق حقیقت بویی،
تا دل و جانیم اولوب طالب پیمان الست.
دیله نقش ائیله‌دیم اول خالق داور عشقین –
کی، منی دهرده نابود ایکن، اول ائیله‌دی هست.
عضو عضومدن اولور عالمه صادر بو صدا:
“لا شَریک لَهُ فی المُلک و ربََّ اَحَدا”*.
———————————————————
* کایناتدا اونون شریکی یوخدور، منیم اللهیم تک دیر.