او مه شهر ایچره اولسایدی، ایشیم نقصانه دؤنمزدی

حسن بئی نبی بئی اووا

گتیر، ساقی، قدح کیم، موسم عشرت هویدا دیر،
گلیر نوروز سلطانی، باهار عالم آرا دیر.
گلیر اول فصل کیم، گولشنده جنّت آشکار اولسون.
دئیرسن سونبول پر تاب لر گیسوی حورا دیر،
آچیلسین لاله وگول باغ و داغه یوز صفا وئرسین،
زمان سئیر باغ و موسم گلگشت و صحرا دیر.
چمن امواتینی باد سلیرگاهی قیلیر زنده،
دم باد سحر، گویا کی، انفاس مسیحا دیر.
گلیر اول فصل آلسین لاله دسته ساغر مرجان،
سانیرسان بولبول و سرمست وریند بادپئیما دیر.
گتیر، ساقی، مئی گولگون کی، گلدی موسم عشرت،
دخی بوندان سورا بولبول گولون وصفینده گویا دیر.
وکللا، حاش لیللاه، بولبول ائتمز وصف گولزاری،
تصور ائتمه بولبول مادیه گولبرگ رعنا دیر،
ندیر گول کیم، اونو گولزارده وصف ایله سین بولبول،
او زارین وصف گول دن مقصدی بیر ذات والا دیر.
ائدر بولبول او ذاتی وصف کیم، عالمده اول تک دیر،
حسن خلق و، حسن خلق و، حسن نام و حسن بگ دیر.
گلیر، ساقی، شراب نابی کیم، فصل باهار اولدو.
آچیلدی لاله وگول، باغ و صحرالاله زار اولدو.
گلیب دیر زابل گولشنده بولبول شور و غوغایه،
صدای نغمه دن مملوو بو فیروز حصار اولدو.
موالیف لر مخالف لرله گلمیش جنگ اوچون، ساقی،
بیات ایله اوخور ابیات بولبول، اؤزگه کار اولدو.
کمان رستمی قوس قزح لر آشکار ائتمیش،
زمستان مونهزیمچون لشکر اسفندیار اولدو.
ابولچپوار فصل دئی بیر آهنگ چپ ائتمیشدی،
قدینی سرو ائدیب دیر راست، دلکش روزگار اولدو.
اشیران گول اولموشدو پریشان صحن گولشنده،
یئنه جمع اولدولار، دشمن شکوهی تار و مار اولدو.
نکیساوار قمری نغمه ائیلر سرو رعناده،
نوای باربد سلسل دمیندن آشکار اولدو.
سحر گولشنده گوش ائتدیم بو بیتی لحن بولبول دن،
هازاران شوق ایله خرم دل امیدوار اولدو
کی، یارب، دار دنیاده حسن بی کامکار اولسون!
اونون صیتتو جلالی دهره خورشید اشتهار اولسون!
بولورین جامه تؤک، ساقی، شراب نابی مینادن،
منور ائیله تور مجلسی نور تجّلادن.
دئییر موسی دل: “آنستو نارن” لطف قیل، ساقی،
گؤروندو نور ایزد چشمیمه سینای سینادن.
خطاب “لن ترانی” رمزینه لب آچما، ای ساقی،
منی قیل شاد و خرم رویت رب تعاله دن!
جمال الاللهی گؤرمک ایسترم آیینۀ مئی دن،
منی محروم قیلما، ساقیا، بو فیض عظمادن.
دئمیشدیم ایچمنم مئی، ساقی، گلدی نوباهار آخر،
شکست اولماق بو توبه یاخشیدیر، یوز فکر تقوادن.
حدیث ایله مئی ایچمک باغ جنّتده حلال اولموش،
دئییل دیر ساحت گولزار کم، فردوس اعلادن.
بیزه مئی وعده سین گولزار جنّتده وئریر واعظ،
نه حاصل نسیه سؤزدن، نقد خوش دور عیش فردادن.
بو موسمده او کس کیم، باده ایچمز سخت غافل دیر،
دیل آگاهیمین سن فیضینی آرتیر جام صهبادن
کی، تا سرمست اولوب وصف ا ائیله ییم اول ذات والانی،
حسن طینت حسن بی کیم، یئتیرمیش فیضه دنیانی.
شماخی دن سفر ائتمیش اگرچی خیلی مدت دیر،
دیار بادیکوبه فیض دیداریله جنّت دیر.
دوشوبدور قامتیندن تا او گیمدن کیم، جدا کؤنلوم،
منه هر گون شماخی درد فرقتدن قیامت دیر.
او گوندن کیم، گئدیب دیر اول فلک شوکت شماخی دن،
مداریم آه و افغان دیر، ایشیم رنج و ریاضت دیر.
دخی بیر کیمسه یوخدور کیم، سخا گؤسترسین، ائل توتسون،
گئدیب دیر صاحبی، دلده قالان نام سخاوت دیر.
مخمردیر در و دیوان شیروانین خساستدن،
غریبه شهر ویران دیر، عجیبه بد ولایت دیر!
نظر مین یانه قیلسان، گفتگوی فحش بیجا دیر،
گذر هر بزمه ائتسن، غیبت و بخل و عداوت دیر.
بو بخل و بو حسد، بو گفتگو بیکارلیقدان دیر،
مجالی غیبته اولماز او کس کیم، اهل صنعت دیر.
زنا و غیبت و بهتان بو قوم شومه مذهب دیر،
یئمک مال یتمی بونلارا دین و شریعت دیر.
بو قوم بدنهادن وار ایچینده اهل دل تک تک،
و لاکین بو یقین دیر کی، اودا اولماز حسن بگ تک.
او دا گئتدی شماخی دن، دخی ذوق و صفا گئتدی،
یوزی خورشید ایدی، چون گئتدی، گؤزلردن ضیا گئتدی.
دئییرلردی گئدیب دولت شماخی دن، اینانمازدیم،
یقین ائتدیم او گوندن کیم، او، دریای سخا گئتدی.
قالیب دیر دامنیم دستینده بو قوم جفاکارین،
مروت عالمی طی اولدو، سلطان وفا گئتدی.
دخی فلک امیدیم غرق اولور دریای اندوهه،
قویوب دریای غمده چون منی اول ناخدا گئتدی.
هر ایل نوروزده اوندان گلیردی لطف و احسانلار،
دریغا کی، او بخشاییش لر، اول لطفی عطا گئتدی.
علی سیّدلرین قویمیندا قالدی درد و محنتله،
کرمله ال توتان اول سرور مشگل گوشا گئتدی.
زنانه دورو اولدو سانکی اول مردانه‌لر دورو،
مگر کیم، دوردن، ای دل، علی المرتضی گئتدی.
حسن بی گئتمیینی سانما کیم، بیر امر آسان دیر،
شماخی دوشدو دولتدن کی، اول مرغ هما گئتدی.
دریغا درد کیم، گئتدی شماخی دن سخا کانی،
یتم اولدو زمانه محنتیله اهل عرفانی.
گلیر نوروز سلطانی، منیم، ای دل، دماغیم یوخ!
الیمی یوخدو بیر کیمسه توتان، الده ایاغیم یوخ.
چمن لر جنّت مؤعوده دؤنسه، سئیر باغ ائتمم،
گولوستان سئیرینه باشین اوچون بولبول، آیاغیم یوخ،
منیم باغیم، باهاریم، سونبولوم، سرویم حسن بی دیر،
خیال سونبول و سرویم، باهار و میل باغیم یوخ.
ندیبدیر* کیم، او سروین لالۀ رخساری هجریندن
بسان داغ لاله سینم اوزره تازه داغیم یوخ.
برهنه شاخ لر، نوروز آلدو، گئیدی خلعت لر.
برهنه بیر منم عالمده، شالواریم، پاپاغیم یوخ.
بساطی خالی گؤردو دلبریم نور مونقّادن،
خیال بازی دن غیری بو محفلده قوناغیم یوخ.
شب چرشنبه لرده روشن ائتدی شمع لر مردم،
یانان بو رشتۀ جانیمدان اؤزگه بیر چراغیم یوخ.
کیمین الطافینا تکیه قیلیم، ای ساقی گولروخ؟
گئدیب دیر تکیه گاهیم، قبله گاهیم، بیر دایاغون یوخ.
حسن بی دن سورا من نئیلیرم بو جسم ایله جانی؟!
آلیب دیر جانی جسمدن او شاهین درد هجرانی.
او گون اولسون کی، یا ربیم، سفردن دلبریم گلسین،**
سریم شوری، گوزوم نوری، او ماهی انوریم گلسین!
مزاق جان شیرینیم اولوبدور تلخ هجریندن،
آچیلسین کاروان مصر، کان شکّریم گلسین!
همای اوج عزت گئتدی، چون بال و پریم سیندی،
گلیب اول شاه بازیم، تازه دن بال و پریم گلسین!
دوشوب ظلمات فقر ایچره کونول تنگه سکندر تک،
یئتیشسین دادیما خیضر سخا، اول رهبریم گلسین.
قالیب بی یار و یاور وادیی حیرتده جان و دل،
نجات اوچون خداوندا، او یار و یاوریم گلسین!
انیریم، کاروانیم، قهرمانیم، رشتۀ جانیم،
پناهیم، شاه و ماهیم، دادخواهیم، داوریم گلسین.
منه کوثر شرابی، مجلسیدی باغ رضوانیم،
آچیلسین باب جنّت، جامه آب کوثریم گلسین.
طلوع ائتسین یئنه برج شرف دن اول مه تابان،
منورایله سین چشمی، او روشن اختریم گلسین.
او مه شهر ایچره اولسایدی، ایشیم نقصانه دؤنمزدی،
توتولمازدی دل پرخون بو گونه قانه دؤنمزدی.
————————————————————————–
* نه ائدیب دیر.
**ترکیبندین بو سون بندینده شاعر اؤز غزلیندن استفاده ائتمیشدیر