دیلبرا، دردیمه درمان سندن اؤزگه کیمسه یوخ
دیلبرا، دردیمه درمان سندن اؤزگه کیمسه یوخ،
هم دخی کؤنلومده ایمان سندن اؤزگه کیمسه یوخ.
هیجر ائوینده من کیمینله همدم اولوم، ائی صنم،
کؤنلومون شهرینده مهمان سندن اؤزگه کیمسه یوخ.
خیضر تک ظۆلمتده قالدیم، بیر مدد قؽل تانریچون،
تشنه اۆچون آب-حئیوان سندن اؤزگه کیمسه یوخ.
هر نه کیم، حؤکم ائیلهسن، ائیله منه، ائی عشق-یار،
کؤنلومون تختینده سولطان سندن اؤزگه کیمسه یوخ.
بو خطایی خستهنین وئرگیل مورادین، یا الٰه،
کیم، منه لۆطف ایله احسان سندن اؤزگه کیمسه یوخ.