حۆسنون بیانی سورهی-یاسین و هل اتیٰ
حۆسنون بیانی سورهی-یاسین و هل اتیٰ،
ائی کعبهی-مۆبارک و ائی مروهی-صفا.
دؤور-فلک وئرورسه منه ایختیارینی،
بیر تار-مویینی دۆ جهانه قؽلام بها.
گلمیش دئگیل، گلیبدوره بیلمز بهروز-حشر
دؤور-قمر سنین تکی بیر شاه-مهلقا.
کیم کی، وۆصالین ایستییه ایخلاص ایله سنین،
اۆستونده ذیل-سایهی-سعادت دوتار هۆما.
توپراغه باس ایاغینی، ائی گؤزلریم نورو
کیم، خاک-پایینی دیلرم بحر-طوطیا.
شئیدا و مست و واله و حئیرانم، ائی صنم،
ایخلاص ایله یولوندا منم ریند و جانفدا.
خورشید و ماه و جۆمله سیتاره بر انجومن
قؽلدی سۆجود صورتینه، ائی عزیز-ما.
روح مۆصوّر اولدو یۆزوندن به آب و گیل،
سنسن، شها، بو احسن-تقویمه کیمیا.
اینسان دئییردی گؤیده ملک یوخ ایدی هنوز،
سن وار ایدین جهاندا، ایا دۆرّ-ایبتیدا.
همتاسی اول شهنشاه-اعظم نیگاریمین
یوخدور بهحقّ-حؤرمت-اؤولاد-مصطفی.
یارین یولوندا خسته خطایی یوروخمه تیغ،
اولگیل شهید-دشت-بیابان-کربلا.