دورنالار، سیز دئیین، قان قارداشلاریم
گلیب درد الیندن زارا، دئییلمی؟
اودلار تورپاغینین اۆرک پارچاسی
آرازین او تایی، اورا دئییلمی؟
اینسانلار گؤز آچمیر الیندن یاسین،
گۆللری قارادیر باهارین، یازین.
قوجا ار ائوینه ساتیلان قؽزین،
اؤرتوگو گۆنوتک قارا دئییلمی؟
سلیمان، باغلیسان او دوغما یئره،
وطنیم دئییرسن گۆنده مین کره.
تبریز گؤزلیندن سنه خاطیره،
باغریندا سؽزلایان یارا دئییلمی؟!