وۆصال حسرتی

وۆصال حسرتیله یانیرام یئنه،
یوخدور ازل گۆندن هیجرانلا آرام.
شعریمله، ماهنیملا چکه‌رک نره،
هیجران جبهه‌سینی من گرک یارام.

ای نیسگیل‌لی باجیم، دردلی قارداشیم،
ساوالان سایاغی آغاردی باشیم.
بو تایدا گۆلشندیر تورپاغیم، داشیم،
سیزسیز اولا بیلمز اۆرگیم آرام.

غفلتدن اویانمیش گؤرورم سیزی،
داغ کیمی دایانمیش گؤرورم سیزی،
آل قانا بویانمیش گؤرورم سیزی،
دردینیز دردیمدیر، یارانیز یارام.

حالی جلّادلارین یاماندیر، یامان،
یوخالیر کؤله‌لیک، دییشیر زامان.
سلیمان رۆستمم، ائشیتسین جاهان:
سیزه هاوادارام نه قدر وارام!