آختارارسینیز

بیر گۆن یادینیزا دۆشرسم، منی،
بو دوغما ائللرده آختارارسینیز.
بئش-آلتی نغمه‌نین مۆلّیفینی،
سئون کؤنوللرده آختارارسینیز.
ایلک باهار چاغیندا
عیسی بولاغیندا،
آراز قؽراغیندا،
سونالی گؤللرده آختارارسینیز.

گؤزللر گؤزلیم، وطندیر، وطن،
نه دومان گؤره‌جک، آمالیم، نه چن.
منی، کاروان-کاروان معنالی کئچن،
آیلاردا، ایللرده آختارارسینیز.
گؤرن گؤزومو،
اۆرک سؤزومو،
منیم اؤزومو
نغمه‌لی دیللرده آختارارسینیز!