منی یاندیردی فۆضولی کیمی هیجران دردی،
اوزون ایللر دئمهدیم خالقا بو پۆنهان دردی.
عاشیقم، عشقیمی گیزلتمگه حاقیم یوخدور،
همدمیمدیر گئجهلر سئوگیلی جانان دردی.
ووردو، سولدوردو خزان سئوگیلیمین گۆلشنینی،
داشیییر گؤر نئجه قلبینده بیر عۆمّان دردی.
عشقیمین هر ایکی ساحیلده درین کؤکلری وار.
یوخ، دئییل دردیمه تای عشقده سنان دردی.
هارداسان، هاردا، خیالیمداکی تبریزلی گؤزل،
تک سنین دردین اولوب ایندی سلیمان دردی؟!