منو
کؤنلوم قوشو او زلف پریشانا بند اولوب
کؤنلوم قوشو او زُلف پریشانا بند اولوب،
گویا چمنده سنبل [و] ریحانا بند اولوب.
یادا سالاندا عارضینی بی‌قرار اولور،
بلبل صفتدی باغ [و] گلستانا بند اولوب.
غنچه لبینی خواهش ائدر بوسه ائیله‌سین،
مفلس جهاندا لعل بدخشانا بند اولوب.
شهد لبینده واردی دوا درد عاشقه،
چکمز الینی، خسته‌دی درمانا بند اولوب.
عقل ایله هوشومو آپاریر چون خرام ائدر،
دل رشته‌سی او سرو خرامانا بند اولوب.
دائم دولانیرام باشینا یار مهوشین،
گویا کی شمعه یانماغا پروانه بند اولوب .
ائیلر فرار جسم، دم تیردن مدام،
کؤنلوم خدنگ ناوک مژگانا بند اولوب.
بزم وصالین ائیله‌میشم خواهش هر زمان،
مور ضعیفه باخ کی سلیمانا بند اولوب.
اوز عاشقینه دهرده ائتمز وفا نگار،
بیگانه‌لر نه عقل ایله جانانا بند اولوب!
طالبدی غیر، صحبت ائده یار ایلن عجب،
عالمده دیو، حوری [و] غلمانا بند اولوب.
ائیلر پسند خال و خط یاری گر رقیب،
گؤر اهل کفری آیه‌ی قر‌آنا بند اولوب.
دلتنگ اولما مضطر بی‌چاره هجردن،
عاشق اولان زمانه‌ده افغانا بند اولوب.
گویا چمنده سنبل [و] ریحانا بند اولوب.
یادا سالاندا عارضینی بی‌قرار اولور،
بلبل صفتدی باغ [و] گلستانا بند اولوب.
غنچه لبینی خواهش ائدر بوسه ائیله‌سین،
مفلس جهاندا لعل بدخشانا بند اولوب.
شهد لبینده واردی دوا درد عاشقه،
چکمز الینی، خسته‌دی درمانا بند اولوب.
عقل ایله هوشومو آپاریر چون خرام ائدر،
دل رشته‌سی او سرو خرامانا بند اولوب.
دائم دولانیرام باشینا یار مهوشین،
گویا کی شمعه یانماغا پروانه بند اولوب .
ائیلر فرار جسم، دم تیردن مدام،
کؤنلوم خدنگ ناوک مژگانا بند اولوب.
بزم وصالین ائیله‌میشم خواهش هر زمان،
مور ضعیفه باخ کی سلیمانا بند اولوب.
اوز عاشقینه دهرده ائتمز وفا نگار،
بیگانه‌لر نه عقل ایله جانانا بند اولوب!
طالبدی غیر، صحبت ائده یار ایلن عجب،
عالمده دیو، حوری [و] غلمانا بند اولوب.
ائیلر پسند خال و خط یاری گر رقیب،
گؤر اهل کفری آیه‌ی قر‌آنا بند اولوب.
دلتنگ اولما مضطر بی‌چاره هجردن،
عاشق اولان زمانه‌ده افغانا بند اولوب.