منو
خولوقدا
سویوق بیر جهنم بیر یامان اؤلکه،
سویوق گۆج گتیردی سؽغیندیم کۆرکه.
بو کۆرک اولماسایدی، گلمزدی بلکه،
بو ایمانسیز قؽشین یازی خولوقدا.
بیر مکتب وئردیلر عئینی بوزخانا،
آیاقلاریم منی دویدوردو جانا.
گئجه‌لر سالدیلار کیرلی یورغانا،
دئدیلر: اول بونا راضی، خولوقدا.
اون بئش گۆن ایسته‌دیم بیر قالین جوراب،
بیر مۆسلمان اوغلو وئرمه‌دی جاواب.
من نئجه سؤیله‌ییم، کیم چکسین حساب؟
یوخدور کی، بیر عادیل قاضی خولوقدا.
گئجه قار، گۆندوز قار، آخشام-صاباح قار،
دئمزلر کی، بوردا بیر مۆعلّیم وار...
باغلامیش قاپینی جۆت آروادلیلار،
قؽزدیریب صؤحبتی-سازی خولوقدا.
یؽغیلدی هامی‌سی - آغ‌ساققال، هامپا
بویون اولدو هر شئی، بیر ده بیر لامپا.
گلدیلر: لامپا وار، شۆشه یوخ اما،
یاندیراقمی هاوا قاضی خولوقدا؟
بو کندده نه چوخدور «باش اۆسته»، «بلی»،
بئله‌لیکله ایشلر گئتمز ایره‌لی،
قورخوم بودور: اسسه کیدی یئلی،
مۆعلّیمین سؽنا سازی خولوقدا.
خولوق کندی، ۱۹۲۰
سویوق گۆج گتیردی سؽغیندیم کۆرکه.
بو کۆرک اولماسایدی، گلمزدی بلکه،
بو ایمانسیز قؽشین یازی خولوقدا.
بیر مکتب وئردیلر عئینی بوزخانا،
آیاقلاریم منی دویدوردو جانا.
گئجه‌لر سالدیلار کیرلی یورغانا،
دئدیلر: اول بونا راضی، خولوقدا.
اون بئش گۆن ایسته‌دیم بیر قالین جوراب،
بیر مۆسلمان اوغلو وئرمه‌دی جاواب.
من نئجه سؤیله‌ییم، کیم چکسین حساب؟
یوخدور کی، بیر عادیل قاضی خولوقدا.
گئجه قار، گۆندوز قار، آخشام-صاباح قار،
دئمزلر کی، بوردا بیر مۆعلّیم وار...
باغلامیش قاپینی جۆت آروادلیلار،
قؽزدیریب صؤحبتی-سازی خولوقدا.
یؽغیلدی هامی‌سی - آغ‌ساققال، هامپا
بویون اولدو هر شئی، بیر ده بیر لامپا.
گلدیلر: لامپا وار، شۆشه یوخ اما،
یاندیراقمی هاوا قاضی خولوقدا؟
بو کندده نه چوخدور «باش اۆسته»، «بلی»،
بئله‌لیکله ایشلر گئتمز ایره‌لی،
قورخوم بودور: اسسه کیدی یئلی،
مۆعلّیمین سؽنا سازی خولوقدا.
خولوق کندی، ۱۹۲۰