بالالاریما

آیدین اولسون گؤزلرینیز!
گلدی باهار گۆله-گۆله.
گئدن قؽشدان قالماز بیر ایز:
گلدی باهار گۆله-گۆله،
اولدو باهار گۆله-گۆله.

چؽخسین کفندن طبیعت،
یاز یاغیشی بؤیوک نعمت.
قوی اولسون یئر اۆزو جنّت
گلدی باهار گۆله-گۆله،
اولدو باهار گۆله-گۆله.

چال قؽش! بویور، اوغور اولسون،
قؽر ساچینی جینلر یولسون.
گل آی دورنا، گل، آی دورسون.
اولدو باهار گۆله-گۆله،
گلدی باهار گۆله-گۆله.

یامان گۆنون عؤمرو آزدیر،
مؤوسوملرین گۆلو یازدیر.
اولدو باهار گۆله-گۆله،
گلدی باهار گۆله-گۆله.

بؤیوک درددیر وطن دردی،
بو قؽش سیزه آغیر گلدی.
گلین، قوشلار یازدیر ایندی.
اولدو باهار گۆله-گۆله،
گلدی باهار گۆله-گۆله.

توپلاییب بیر دسته چیچک،
دی گلین مکتبه گئدک.
تنبللیگه لعنت ائدک.
اولدو باهار گۆله-گۆله،
گلدی باهار گۆله-گۆله.

۱۹۱۷