منیم چون!

هر کس کی دئسه، دردیمی دلداره منیم چون
گویا کی، طبیبیمدیر، ائدیب چاره منیم چون
بیر بولبولم، اؤز نالهٔ زاریم منه بسدیر
کیم یالواراجاق گولدن اؤتروه خاره منیم چون
بیر لاله روخون من یئنه زولفونده اسیرم
گؤردوکده دئییر خلق گونو قاره منیم چون
جاندان گئچرم، بیر ائله حال اهلی اولایدی
دردیم دئییب، اول دلبره یالواره منیم چون
پروانه ده اولسایدی ا گر منده اولان عشق
یوز شؤق ایله چیرپاردی اؤزون ناره منیم چون
هئچ بیر کسه راضی دئییلم یار یولوندا
منّت چکه بوندان بئله اغیاره منیم چون
باشدان – باشا، واحد، بوتون عالم گؤزل اولسا
آرتیقدیر هامیندان یئنه مه پاره منیم چون