مکتب

مکتب دئمک انسانلار اوچون خانهٔ عبرت
مکتبدیر ائدن نوع بشر روحینی راحت
مکتبدیر ایشیقلاندیران آفاق سراسر
مکتبله فقط پاره له نیر پردهٔ ظلمت
مکتب ا گر اولمازسا بو دنیا اوزه رینده
محو ائیلییه انسانلاری بالمره جهالت
شاًن و شرف انسالارا مکتبله دیر آنجاق
مکتبسیز اولان کیمسه ده ظن ائتمه لیاقت
جاهللری مکتبدیر ائدن مرد خردمند
وحشیلری مکتبدیر ائدن واقف حکمت
مکتبله بیلر خلق نه دیر خلقت عالم
مکتبدیر اولان کاشف اسرار طبیعت
مکتبدیر ائدن ظلمدن انسانلاری آزاد
مکتبله اولور مقصده نائل بشریت
انسان بلی مکتبله اولور هر ایشه دارا
مکتبله تاپار خلق جهان راه حقیقت
مکتبله فقط گوسته ریر ابناء زمانه
تاریخده همی علمده صنعتده مهارت