عمل ترانه سی

مقصود یئتیشمکسه اگر فضل و کماله
سعی ائتملییک علمه دونرسکده هلاله
هیچ یئرده ترقی ائلمز علمسیز انسان
بی بهره اولور گر سو وئریلمز سه نهاله
حالین نظره آلمالی مظلوم جهانین
بی تربیه لیکدن یئتیشیب جهله ملاله
مظلوم جهان نفعنه جهد ائتمه لییک بیز
بو حالی فقط سالمالی هر لحظه خیاله
آزقینلارا گوسترمه لییک راه حقیقت
دائم بونا دائر یازاق البته مقاله
ائتمه زمی کفایت ستمی. جوری عدودن؟
ابنای زمان یئتمه ده در گونده ذواله
جهد ائتمه لی آزاده لیک اوغروندا همیشه
تبدیل ائلییک هجر. غمین عشی وصاله
بیر آن فقرا صنفی گرگ یاتمایا راحت
عبرتله فقط باخمالی کیفیّتی حاله
دشمن چالیشیر یخماقا احرار زمانی
هایدی اونا قارشی چخالیم جنگ و جداله