درد و غمه توش ائتدی!

بونه مئی دیر کی، ایچرکن منی بیهوش ائتدی؟
خاطریمدن غم و اندوهی فراموش ائتدی!
تاپمادیم چاره یانان کؤنلومه مئی دن غئیری
منی عشقین نه قدر درد و غمه توش ائتدی
گر الیم یئتسه، ایاقیندان اؤپردیم، ساقی
خُمِ مئی تک، مئی ایچر کن، بدنیم جوش ائتدی
جنّت اهلی او آدام دیر کی دؤنوب واعظ دن
پیرِ میخانه نصیحت لرینی گوش ائتدی
مئی ا گر لعلِ لبِ دلبره آلوده دئییل
بس آیاغینا صراحی نییه کرنوش ائتدی؟
عشق بیر شعله چکیب، یاندی وجودوم یکسر
گؤٕرکی بیر آه، بو شمعی نئجه خاموش ائتدی!
تؤ کدو، واحد، یئنه یاریم اوزونه تئللرینی
جمع ایکن، خاطیرِ محزونیمی مغشوش ائتدی