منو
دئمه بس، غافیل ایمیش
بولبولون نالهٔ جانسوزینه باعث گول ایمیش
گوله هم عاشیقِ سر گشته اولان بولبول ایمیش
من دئییردیم کی، او مه مهر و وفا صاحیبی دیر
دئمه بس، مهر و وفادن او اؤزی غافیل ایمیش
داشا تأثیر ائلهدی آهیم اودیلا یاندی
بیر اثر ائتمهدی اول شوخا، نه آهن دل ایمیش
پیرِ میخانه سؤزون شیخ قبول ائیلهدی دون
آدم اؤولادی دیر، حقّا کی، هله قابل ایمیش
یوخدور عاشیق، دئدی اول مه، منه سندن غئیری
گیزلی مندن، دئمه، بیگانهلر مایل ایمیش
عشقه دل ویرمزایدیم،بارِ غمین بیلسه ایدیم
نه بیلیم، عشقدن عشاقه بلا حاصیل ایمیش؟
واحدا، مشکل ایشه خلقده صبر اوسا ا گر
الو تدریج ایله آسان، هر ایش مشکل ایمیش