منو
بختیار اولور
بولبول گولو سئویرسه ده، گول خاره یار اولور
ایستکلن اهلِ حُسن اولا، بی اعتبار اولور
لایق دئییلدیر هر گؤزله عاشیق اولماغین
قانونِ عشقی کیم کی، بیلیر، بختیار اولور
ائتمک گرکدیر تجربه عشقین بلالارین
سهو ائیله یین بو ایشده اینان، غمگسار اولور
من بیر رقیبه مایل اولان یارا مایلم
گاهی منیمله، گاهی رقیبه، دوچار اولور
لازیمدیر ایندی، صبر ائله سین اهلِ عشق اولان
عبرتله باخمایان بو ایشه بی قرار اولور
کاش، ائیله نازنین گؤزلی سئومه یه یدیم هئچ
واحد، بو فیکردناورگیمم تار و مار اولور