اؤز باشینا

بوراخما، ای کؤنول، اول نازلی یاری اؤز باشینا!
روا دئییل، قالا ائللر نیگاری اؤز باشینا!
گوزیله گیپریگی بیرلیکده قان تؤ کور گئجه لر
عجب قالیب یئنه دریا کناری اؤز باشینا!
قراره گلدی رقیب، ال گؤتورسون اول گولدن
نه اعتبار اونا، دهیسین قراری اؤز باشینا!
او قاره گؤزلونو گؤزدن کناره قویما، کؤنول
بوراخماز اووچو گؤزل بیر شکاری اؤز باشینا!
گول اوزلولر نه قدر وارسا، باغبانی منم
نئجه قویوم بئله بیرگول عذاری اؤز باشینا؟
رقیبی یاره طرف قویمایین، یاخین گَلسین
کی، گول سولار، گؤره گولشنده خاری اؤز باشینا!
عموما خدمت ائله، واحد، آرتیب انسانلار
کی، سانما ائل قازانیب اعتباری اؤز باشینا!