ایازه وئریب!

بوتون گؤزللیگی تانریم او سروِ نازه وئریب
او هر نه ائتسه، طبیعت اونا اجازه وئریب
اول آهو گؤزلو منی قورخورام خطایه سالا
کی، فتنهسیله چوخ عاشیقلری گودازه وئریب
اه ییلدی سجده یه، محراب گؤردو قاشلارینی
اودور کی، اهل ریا مئیلینی نمازه وئریب
گولردی قیرخ گؤزل عشقیله، آغلایاردی خزر
همین او ذؤق و صفانی کوره، آرازه وئریب
جمالی یوسیفه، جاه و جلالی محموده
کمال و معرفتی، سیرّی وار، ایازه وئریب
گؤزللیک عالمی نین شهریاری دیر بو پری
بونا بو سلطنتِ حُسنی ایندی تازه وئریب
بو فقریمیز بیزه، واحد، بؤیوک سعاتدیر
زمانه، ثروت آغیر یوکدور، آننامازه وئریب