بو چکدیگیم غمی جانانه، من اؤزوم دئمهدیم
دئسم، گولر بیزه بیگانه، اؤزوم دئمهدیم
گول الده، یار یانیمدا، مئییم پیاله مده
بو ذؤقو اول گولِ خندانه، من اؤزوم دئمهدیم
او زولفه چوخدان اسیرم، بو سیرّی ائل ده بیلیر
کی، اولموشام نییه دیوانه، من اؤزوم دئمهدیم
دئسم کی، آهیم ایله شمع لر یانیر گئجه لر
منم او شمعده پروانه، من اؤزوم دئمهدیم
فلک رقیبه ده بیر گون بو دردی چکدیره جک
اودور سالان منی هیجرانه، من اؤزوم دئمهدیم
نیگار اولان یئری خاین، رقیبه بیلدیرمه
او گلمه سین بو گولوستانه، من اؤزوم دئمهدیم
بیزیم محبته دیر اعتقادیمیز، واحد!
اورک بو یولدا دؤنر قانه، من اؤزوم دئمهدیم