بوینوما گیسولارین اول شوخ زنجیرائیلهمیش
قتلیمه ابرولارین جلاد شمشیرائیلهمیش
عهد قیلمیشدی، منی اؤپسون بو گون اول ماهرخ
بیلمیرم، آیا، نئچین عهدینده تأخیرائیلهمیش
صید قیلدی گؤزلری شاهباز تک کؤنلوم قوشون
گوئیا، صیاد بی دل بندِ نخجیرائیلهمیش
قاشلارین تؤ کمزدی قانیم بونجا، واضح بیلمیشم
گؤزلرین بو قتلیمه مشگانینی تیرائیلهمیش
عاشیقین کؤنلونو ییخما، ییخ حصارِ کعبه نی
کیم، خلیل الله اونو عالمده تعمیرائیلهمیش
لطف ائدیب غئیره وصالین، لاکین اول مه عاشیقین
یوز غم و دردیله هیجرینده او دلگیر ائیلهمیش
واحدا، اوُمما، نیگارین جؤورو ظلم ائتسه سنه
چون سنی قال و بلادن چرخِ دون پیر ائیلهمیش