منو
هنوز!
بی خبردیر زاهیدیم اول سروِ قامتدن هنوز
وصف ائدر عاشیق لره روزِ قیامتدن هنوز
عادت ائتمیش عاشیقه طعن و ملامت ائتمگی
هیچ اوسانماز زاهیدِ غافیل بو عادتدن هنوز
قاشلارین طاغین گؤروب مسجید آرا محرابده
باش گؤتورمز اول سبب زاهید عبادتدن هنوز
غارت ائیلر زولف رویوندان عرقِ دوردانه سین
چکمز ال اول اوزو قاره اوغرو غارتدن هنوز
لعلِ نابین رنگینی بیر دفعه جام ایچره گؤروب
مئی دؤنوبدور قانه، ای گول، اول علامتدن هنوز
ائل ملامت داشیله هئی سنگسار ائیلر منی
واحدم، چئوره مده وار سنگِ ملامتدن هنوز