منو
عشق صحراسی!
بیر بوتِ غنچه لبین هیجری ائدیب باغریمی قان
ائیلرم بولبولِ شوریده کیمی آه وفغان
آغلاماق عادت اولوبدور منه هر شام و سحر
دلِ زاریمدان اودور کیم، کسیلیب تاب و توان
کیمه اظهار ائله‌دیم دردِ دلیم، آه، نه دئییم
تاپمادیم عشقه علاج، آغلارام اظهار و نهان
یادیریب عالمی آهیم شرری سرتاسر
آغلاییر نالهٔ زاریملا منیم کلِجهان
طاق ابرولرینه سجده ائدنده یارین
توکه نیب تاب و توان، سرو قدیم اولدو کمان
عشق صحراسینا، ای دل، قویا هر کیمسه قدم
ائله مز واحدِ صراف کیمی اوندا زیان