نه خبر وار

بیر بیلمه دیم، اول آفتِ جاندان نه خبر وار؟
مجنونا او لیلایِ زاماندان نه خبر وار؟
آز چوخ بیلیریک بیز، بوطرفلرده نه اولسا
لاکین نه بیلک ایندی، اویاندان نه خبر وار؟
گول، فصلِ باهار اولماسا، گولشن ده بیلینمز
بولبول بیلر، ایامِ خزاندان نه خبر وار؟
گیزلیندیر او مه پاره او گوندن کی، گؤزومدن
هئچ بیلمیرم اوضاع جهاندان نه خبر وار؟
یار الدوغو یئردن سیزه بیر نامه گلیرمی؟
بیز غافیلیک آنجاق، او مکاندان نه خبر وار؟
گؤز یاشینی ائتسین گرک عشق اهلی روانه
ایسترسه گر، اول سروِ رواندان نه خبر وار؟
واحد، منه مین ناز اوخو هر گون یئنه خوشدور
بیلسم ا گر، اول قاشی کماندان نه خبر وار؟