نئیله ییم!

بیر سن کیمی وفاسیز اولان یاره، نئیله ییم؟
جانان کی وئردی کؤنلونو اغیاره، نئیله ییم؟!
بولبول تکی یولوندا سنین مبتلا منم
من بیر گولوکی، همدم اولا خاره، نئیله ییم؟!
عشقینده دایماً بو بلالر چکن کؤنول
ایندی تاپانماییر اؤزونه چاره، نئیله ییم؟!
عشق آتشینه یانمیشام، ایمدادا گلمه دین
پروانه وورماسین اؤزونو ناره، نئیله ییم؟!
مجنون ائدن منی یارین جمالیدیر
عشق عالمینده اولدو گونوم قاره، نئیله ییم؟!
واحد، محبتین بو قدرکی، بلاسی وار
یوخدور دئین بو دردیمی دلداره، نئیله ییم؟!