منو
چیخمشیق
بیز خرابات اهلی ییک، میخانه لردن چیخمشیق
باده‌لر نوش ائتمشیک، پیمانه لردن چیخمشیق
آتش غمدن نه قورخاق کیم، سمندر خصلتیک
شمعلر یاندیرمشیق، پروانه لردن چیخمشیق
پیریمیز پیر موغاندیر، خادم میخانه ییک
رندلر ذؤقین گؤروب، دیوانه لردن چیخمشیق
ایندی بیر ا کراه اولوب مئیدن، نظردن دوشمیشک
یوخسا مین مین مجلیس مستانه لردن چیخمشیق
گاه اؤپوب یارین آیاغین، گاه دولاننیق باشینا
بیز پریشان زولفلرتک شانه لردن چیخمشیق
بیر شعاعین ذره سیندندر، فقط رنگ اؤزگه دیر
دیرلردن، مسجدِ ویرانه لردن چیخمشیق(١)
قدر و قیمت سیز بیزی ظن ایتمه، واحد، عارف اول
پر بها گنجینه ییک، ویرانه لردن چیخمشیق
١بعضی نسخه لرده،بئله یازیلوبدور:
غئیرلرتک مسجدِ ویرانه لردن چیخمشیق.