منو
جاوید خلقین خاطرینده دیر!
بیز بیر قاطار طوطیِ شیرین سخن لریک
اؤز نغمه میزله زینتِ سرو و چمنلریک
گول اوزلولر ترانه میزین حسرتین چکیر
باغِ وطنده بولبولِ خوش نغمه زن لریک
بیر کیمسه بیلمه ییر نه خراباتی لردنیک
میخانه‌لر مسافیری رندِ کهن لریک
بیزدن، همیشه ذؤق آلیب اربابِ معرفت
بیز اهلِ حاله عطر ساچان یاسمن لریک
معشوقه میز حقیقی زولیخایِ مصردیر
عشق عالمینده یوسیف گول پیرهن لریک
لؤح اؤزره پیریمیز بیزی یازمیش شهیدِ عشق
میدانِ عدل و داددا گولگون کفن لریک
جاوید همیشه خلقیمیزین خاطیرینده دیر(١)
واحد، اویوخسا، روحی ایله هموطن لریک
١غزل بؤیوک ادیب و شاعیر حسین جاویده اتحاف ائدیلمیشدیر.