بیرده جوان اولماغیما

بیرسبب یوخ، دئمه، روسوای جهان اولماغیما
غنچه آغزین کیمی خلق ایچره نهان اولماغیما
منی صدحیف، قوجالتدی بو گؤزللر ستمی
یوخدور اومید داخی، بیر ده جوان اولماغیما
قامتین جلوه سی چشمیمده گزیر، وجهی اودور
چشمه تک هر یانا، ای سرو، روان اولماغیما
مومیانین هوسی، غنچه دهانین فکری
سبب اولدو، بئله بی نام و نشان اولماغیما
انتطارم کی، وئرم جانیمی، گؤرجک اوزونو
نولا، ای گول، بیر علاج ائت نیگران اولماغیما!
یانیرام عشق اودینا، ثابت اینان مجنون تک
لیلی اولسا، یاناجاق شعله فشان اولماغیما(١)
واحدم، درد و غم، غربته تابیم وار
وار اومیدیم یئنه اؤلکه مده عیان اولماغیما

١بیت بو شکلیده ده قئید اولموشدور:
ای منیری(٢) یانیرام عشق اودونا، آذره(٣) دی ٔ
آذر اولسا، یاناجاق شعله فشان اولماقیما
٢شاعیر آغا داداش منیری. ٣شاعیر مشدی آذر حاجی ممّدزاده.