منو
گول عذاردان غئیری!
بیر آرزودا یوخام وصلِ یاردان غئیری
نه ذؤق بولبول اوچون لاله زاردان غئیری
وطنده محنته بیر چاره تاپمادی مجنون
دیار غربته یالنیر فراردان غئیری
نه جامِ جم قالیب ایندی، نه شؤ کتِ جمشید
فسانه لرله قورو افتخاردان غئیری
بهشتِ اقدسه دؤنسه چمن، نه بهجتی وار
بیزه نه ذؤق اولور گولعذاردان غئیری
طبیعی زینته لایق دئییلدیر هر گول رخ
بو عزتّه یتئن اولماز نیگاردان غئیری
نه دیر رشادتی اول بیستوندا فرهادین
بیر عکسِ شیرین ایله جویباردان غئیری
حمیدین(١)عشقینی زهتابدن(٢) سوراندا دئدی:
او بینواده نه وار اعتباردان غئیری
برادریم مجیده(٣) سن بو شعری یاز
صمیمی دوست یوخومدور قافاردان(۴) غئیری
١دوکتور حمید محمّد زاده. ٢دوکتور محمّد تقی زهتابی.
٣غفار کندلینین کیچیک قارداشی. ۴دوکتور غفار کندلی.