تار گلینجه!

بیر آزدا، گلین، گؤزله یک اول یار گلینجه
مین نازایله اول سئوگیلی دلدار گلینجه!
یئتمز گولونون وصلینه، صبر ائتمه سه بولبول
دؤزمک گرک اول یارِ وفادار گلینجه!
اذن اولسا، محبّتله دئیردیم سنه، ساقی
سال مجلیسی ترتیبه سبب کار گلینجه!
اؤز یاریمیز، اؤز دوستوموز، اؤز مجلیسیمیزدیر
مخصوصی، گلین، ذؤق آلاق اغیار گلینجه!
شؤق ایله، محبّتله کئچیردک بو بوساطی
مجلیسدن ایراق، بعضی دل آزار گلینجه!
گزدیر قدح، ای دوست، خراب اولمادان عؤمرون
سرمست اولاق اول گؤزلری خومار گلینجه!
سن ایندی بو گولشنده سن، ای بولبولِ شیدا
فوت ائیلمه بو فرصتی، تا خار گلینجه!
واحد، بیزه بیر شعر اوخو بو مجلیسه دایر
بیر ذؤقه یئته ک، چنگ و دف و تار گلینجه!