چوخ ماراقلیدیر

بیر نازنین به یه نمیشم، اصلی قازاخلیدیر
هردن گولومسه ییرسه ده، چوخ قاش قاباقلیدیر
بیگانه دیندیرنده او گول جان دئییر اونا
من جان دئسم، آجیقلی باخیر، چوخ ماراقلیدیر
ناز ائیله ییر رقیبیمه، دیندیرمه ییر منی
گویا کی، غنچه گولدور، اونون آغزی باغلیدیر
آل قیرمیزی گئییر قاراباغ نازنینلری
بیلمم، نه اوز وئریب او گوله قارا باغلیدیر
فرهادی اولموشام یئنه بیر لاله اوزلونون
شیرین باخیشلا یوز جان آلیر، نسلی داغلیدیر
اولماز زمانه میزده بئله نازنین گؤزل
یوزمین نیگارا طعنه ووران گول یاناقلیدیر
واحد، نه لازم اؤیله گؤزل، قانمیر عاشیقی
سئومک بیر اؤیله دلبری کی، آنلاجاقلیدیر