زولفون گؤتور روخساردان

مه جمالندان،نیگاریم، ابرِ زولفون کنار قیل
چاهِ ظلمتدن طلوع ائتسین گون، اولسون آشکار
دور مقابل آی ایله، زولفون گؤتور روخساردان
گون جمالین، ماهِ نو، گؤردوکده، اولسون شرمسار
زولفِ موشگون گؤرسه گر بیر باغبان روخساردا
هرگز ائتمز مئیلِ سونبول، یا خیالِ لاله زار!
زولفون آلمیش شعلهٔ شمعِ جمالین دؤره سین
مرغِ دل یانمالیق ایستر روز و شب پروانه وار
بادهٔ عشقین ایچه هر کیم سینین، ای غنچه لب
مست اولور، تا وار نه قدری عؤمرو، اولماز هوشیار
کج دولانیر چرخِ دون دایم منیمله، غئیره دوز
ترک قیلماز بیر جفا رسمین بو چرخِ کجمدار
مجنون آسا من دولاندیم چؤللری، ای لیلی وش
همدمیم وحش و طیور اولدو، مکانیم کُوهسار
یادگار هر کیمسه دن بیر نوعی قالدی دهرده
بو غزل ده واحدِ بیچاره دندیر یادگار