موسیقی مجلیسی

((موسیقی مجلیسینین طرفه علامتلری وار
گوش قیل، گور نئجه جانسوز حکایتلری وار))(١)
موسیقی ذؤقونه اول کس کی، دئییلدر واقف
بو بوساطین نه بیلیر کی، نه شرافتلری وار
تاری، بیهوده حساب ایتمه، ا گر عارفسن
گورکی، مه رولار الیندن نه شکایت لری وار!
اودا بیر زولفِ سیه دلبرین آلوده سی دیر
کی، صداسیندا پریشانلیق اشارتلری وار
خوار، ظن ایتمه، ساقین، موسیقی خادیملرینی
اونلارین ذؤقونه گیر، گؤرنه نزا کتلری وار!
موسیقی غم داغیدیر، ذؤق وئریر انسانه
درک قیلماز بونو اونلار کی، سفاهتلری وار
شاعیرین، موسیقی خادملرینین، رسامین
اینجه دقتله دوشون، گؤرنه مهارتلری وار!
موسیقی ذؤقو هلاکولارا تأثیر ائتمیش
اوخو تاریخی، دوشون، گؤر، نه روایتلری وار
بعضی نادان نه بیلیر موسیقی ذؤقون، واحد!
چونکی جاهیلدیلر، اولدوقجا، جهالتلری وار

١بو بیت صمد غریب بیندیر.