اسیرِ عشقِ وطن!

یئنه وورولدو کؤنول زولفِ یاره، اؤز غمی کم
کمنده دوشوبدو مجنون دوباره، اؤز غمی کم
صفالی خوش گونو اولماز اسیرِ زولف اولانین
کیم ایسته ییرسه اولا بختی قاره، اؤز غمی کم
وفاسیز اولدوغونو گؤردو بولبول اؤز گولوندن
یئنه دیکیب گؤزونو نو باهاره، اؤز غمی کم
او شوخه من نه قدر یالواریب دا آندا ایچدیم
اینانمادی یئنه پروردگاره، اؤز غمی کم
گؤزللر حقلی دیر اینجیتسه، ییخسا، کؤنلوم ائوین
بو قانه دؤنموشه یوخ باشقا چاره، اؤز غمی کم
منیم تک اولمادی مجنون اسیرِ عشقِ وطن
یاییلدی شهرتی هر بیر دیاره، اؤز غمی کم
دئمیشسه، واحد، او گول چهره، (( گؤزله، تئز گلرم))
سن ایندی عادت ائله انتظاره، اؤز غمی کم