شوکر اولسون

یئنه یئتیشدی الیم وصلِ یاره، شوکر اولسون
کی، حسرت اولمادیم اول گلعذاره، شوکر اولسون
خزان زامانی کئچیب، بولبولوم، فغان ائتمه
قیزیل چیچکلر آچان نوباهاره، شوکر اولسون
او گول کی، اوزموش ایدیم، اوندان اؤز اومید الیمی
او ایندی عطر وئریر لاله زاره، شوکر اولسون
او سئودیگیم گؤزلین، آه، او نازنین ملگین
دونن جمالینی گؤردوم دوباره، شوکر اولسون
آییرماق ایستر ایدی مندن اول نیگاری فلک
کی، دوشمه‌دیم المِ انتظاره، شوکر اولسون
چکیب کنارینا هر بولبول ایندی اؤز گولونو
گول ایسه باخمایاجاق بیرده خاره، شوکر اولسون
بو قارا گؤزلولری بونجا سئومیشم، واحد
نه یاخشی اولمامیشم بختی قاره، شوکر اولسون